影片
更多
2017-07-16
255 瀏覽
今日同爸爸媽媽出去食下午茶，搵到間食中式既粥品同小菜+飯，就入去試下~呢個就係下午茶既餐牌~ 咁我地就叫左秘製牛腩飯同荔灣艇仔粥啦~秘製牛腩飯牛腩有少許唔夠冧，而牛筋係勁正，成碟牛腩同牛筋非常入味，送飯一流荔灣艇仔粥個粥底非常綿同滑，個味道亦適中，唔會太鹹，又唔會唔夠味，啲料都幾足，有牛肉、豬皮、同埋係有魚片（取代左魷魚）。唯一唔好既就係佢話係荔灣艇仔粥但又唔用魷魚而改用魚片，而無係餐牌提及過有魚片呢樣食材。 最慘既係魚片都碎骨，所以整體黎講我唔太鍾意，但個粥底係真心唔錯而個下午茶餐仲可以比你配樣小食，咁我就揀左腸粉，碟腸粉幾滑，配埋甜醬、花生醬同辣醬食，簡直係一流
張貼
