影片
營業時間
今日營業
11:00 - 22:00
星期一至四
11:00 - 21:30
星期五至六
11:00 - 22:00
星期日
11:00 - 21:30
以上資料只供參考, 請與餐廳確認詳情
相關文章
平時都有食開靠得住，呢日去開德福廣場，呢度有間靠得住就決定去食！始終食粥好似食嚟食去都係靠得住最穩定，一係就係啲小店 但係小店又唔識搵喎，去到一個陌生嘅地方又冇做資料搜尋之前食過大師傅好味唔好味，酒樓嘅都一間間，如果想食雜粥就梗係去返靠得住！份量同埋成份都估得到 價錢唔算太貴，不過如果食套餐加個小食都要成$90 㗎而家及第粥加個白灼豬腰豬潤 走油今日冇食早餐，嗌咗勁多嘢食，同埋前一日食完打邊爐嘅椰子雞覺得唔夠喉，因為佢冇乜椰子水味見到呢度有椰子雞，唔算太貴就嗌一煲試吓本身上台覺得嘩咁細嘅，但係原來入面極速秒，都有成七件八件雞，仲好多雞肉，竹笙同紅棗份量都唔少 仲有少少杞子 椰子雞湯好清甜好正 啟發咗阿媽以後可以整呢味嘢雞肉都幾瘦㗎，又有雞翼雞鎚嘅位置，瘦肉又有多少少脂肪嘅肉都有 包羅萬有正一上枱覺得咦今次嘅顏色好似偏黃喎 食落去都OK好重味，不過唔知關唔關事食完呢餐有少少口渴一開頭攪勻啲蔥同埋材料之後就就咁潷，令到佢唔好出水好澀好濃郁，今次仲有少少底嘅蕉 我勁鍾意勁香一嚿嚿雖然未必個個都食 白灼豬腰豬潤唔算太大件，但係都令人滿足，計返呢個份量都係加大概$30 商場價算係咁啦如果抵一定係小店最抵！遲啲去完元朗encore過發記粥店先之前食過另一間分店嘅乳鴿幾鍾意，今次都$48 +1隻！不過我覺得今次好似冇咁入味，冇上次調味咁好 不過聽人講呢啲連鎖店，其實好多食物都係包裝高牆整定，所以我諗其實質素係會幾一樣 識食嘅人就直接嗌咗個蒜頭，呢個午市Menu係冇嘅 因為平時要幔子先有，問一問侍應佢話可以供應俾我哋廚房有 然後但係要佢special幫我哋落單午餐嘅豬軟骨都好抵！見到隔籬枱嗌先決定嗌，都幾大碟底下有啲朔晒油嘅菜心白飯都幾有米香味唔會太硬 唔知點解食呢啲，我好多時都會覺得中式米好硬，難得今次冇呢個問題但係因為太想食腸粉嘅關係 今次都加咗一份小食！唔知點解好似特別大碟比其他分店 質素依然好口煙靭好正 同埋靠得住嘅所有醬汁都幾有質素，無論係辣醬 是拉差定係甜醬都幾好味😋我記得馬鞍山分店已經冇咗呢隻辣醬變咗包裝李錦記 $28.3隻紅油水餃其實就係平時靠得住嘅水餃，不過就可以三隻咁叫 適合想食少少又唔想食一大碗嘅人 又有辣辣髀，覺得嗰啲辣醬有啲似枱面本身有嘅辣椒油白灼帶子就有啲貴，雖然好好味，但係成$100只有八粒 好貴，好貴唔捨得如果普通嗌一碟白灼豬腰豬潤就有四件+4件，咁梗係跟套餐抵啦整體而言都唔錯 不過發現靠得住原來唔同分店嘅嘢食會唔同，好似馬鞍山嗰間會有咕嚕肉，本身想嚟食，但係原來呢間冇 店員都好似唔知話太興有先，所以有poster🤣🤣侍應嘅服務態度可以 不過應該講清清楚楚，如果外賣盒之後再拎膠袋係要額外加入 因為買咗單先發現佢亂咁修多一蚊，但係冇講過 因為以為加外賣盒係會配埋因為佢一開頭俾咗一個盒有疊埋一個袋，之後再加又冇比 問返佢拎，又無端端收多一蚊，變咗一時收一時唔收咁 下次解釋清楚好啲同埋生嘅侍應好似態度爭少少冇咩耐性整體而言OK啦！ 座位又迫啲 可能因為呢頭多人返工 所以比較prefer share座 除非你要嗌好多嘢好似我哋今次咁特登講😂
繼續閱讀
呢鍋熱辣辣嘅羊腩煲真係好吸引！湯底濃郁，入面有嫩滑嘅肉同香香嘅香菜同配料，香味四溢。每一口都好有味，羊肉肉質鮮嫩，湯頭又醇厚但唔油膩。再加上腐乳醬，味道更加出色！無論同屋企人同朋友一齊食定自己享受，都係唔錯選擇，真係值得試下！
繼續閱讀
自從樓下間靠得住關左之後，已經好幾年無食過啦，好懷念佢既下午茶，今次同囝囝來到德福廣場呢間，叫左兩個茶餐，發覺食材水準都仲保持住，但價格就貴左成十蚊，以前好似係38-45元，依家最低都50起，加幅都幾大，同埋食物份量都少左，女士都係僅僅ok，男士就真係墊下肚仔啦！
繼續閱讀
早排喺另一間分店食左lunch set，今次都係因為貪方便食左佢既下午茶。大概下午5:30食既，仲係下午茶時段，抵過lunch set，但都係偏貴架相對其他下午茶黎講！乾炒牛河💰60送熱飲呢個乾炒牛河都算大碟，而且牛肉都多，所以食完可以當dinner咁，而且用下午茶既價錢，如果鍾意呢間餐廳既話，真係可以呢個時段黎食飲品方面，叫左熱既薏米水，一黎唔洗加錢，二黎懶係養生咁阿嘛。佢杯薏米水有薑絲，其實係幾好味，不過冇影相。挑剔小小講句：有D唔夠鑊氣，牛肉偏韌。
繼續閱讀
今日因為開OT，餓到幾乎往生的我，結果同同事係別無選擇之下，接近晚上9點，首次踩入*靠得住*。因為我係唔食肉既，於是點左價值32蚊既大混醬腸粉、本來諗住叫埋隻粽。 但眼利既同事話：有薑葱撈麵喎！我睇下張圖片，兩條菜心夾住一嚿麵餅，上面再灑上翠綠既葱絲，盛惠$48。 心諗好貴喎。 同事話：上司交低啲錢，你放心嗌啦。而同事就嗌左豬軟骨撈麵。 兩人再嗌埋壺蘋果茶。 連加一，total 163蚊。好啦，當大混醬腸粉出現係我面前，就未混帳既。我拿起花生醬、甜醬，醬汁亂飛。一碟大混帳腸粉，終於大功告成。我要吐嘈既，並唔係呢碟腸粉，相反呢碟腸粉係幾滑幾好食。真正既惡魔，往往都係壓軸出場。正當我享受緊碟腸粉之際，薑葱撈麵黎啦！果然係有圖有真相，實物係高度還原。同一時間，我係立即聞到一陣疑似坑渠味。我即刻望向隔離枱，心諗食咩咁臭？點知，我立即發現了疑似坑渠味的源頭！竟然係果碗湯！嘩！臭到丫！我再聞多下都唔掂, 即刻將碗湯擺係隔離空枱。無幾耐同事碟豬軟骨撈麵上黎，碗湯再次衝擊我既嗅覺………………
繼續閱讀