丼丼屋 (德福廣場) (已結業)

放工約左朋友喺德福行街買衫~ 德福一期同二期都喺夾雜住美食，時裝同美妝鋪頭。喺行街食飯好地方~今次一心想食滑蛋~!即刻諗起丼丼屋， 之前食個滑蛋豬扒丼覺得個滑蛋好好食，今次再回頭~揀咗親子丼滑蛋雞肉飯，加$20 變野菜定食~ 有個大沙律, 麵豉湯同前菜~個滑蛋真係一啲都冇失望， 蛋黃同蛋白 混合之餘又留返少少喺蛋白同蛋黃分開嘅2重口感。 但啲雞有少少失望，啲雞醃得唔入，同埋未有少少雪味。 整體嚟講口咁係好高分，但因為雞肉嘅味道有少少失色。沙律都唔錯,啲菜幾新鮮， 配搭麻醬係日式沙律最正嘅地方~ 麵豉湯就鹹咗少少 所以冇飲晒