13 Thirteen (已搬遷) 新店位置

最近lunch去咗灣仔呢間小店，佢哋主要做外賣，但店入面都有張長枱仔可以喺度快食🤣🍳黑松露滑蛋蝦仁飯併餐肉 $59黑松露蛋份量十足、又香又滑，三隻蝦大大粒又彈牙，建議大家併餐肉啊！餐肉份量多而且煎到香口，正正子！連埋甜豉油食好味又滿足😚🥐牛油果醬雞胸牛角包 $46好足料嘅牛角包！厚厚嘅牛油果醬混埋沙律醬，我哋仲加咗芝士(+3)，味道有層次！如果個包再脆啲就更正😚嗌野食可以套餐價加野飲，滑嘟嘟古力加mint($25)有驚喜！朱古力好滑身，薄荷味好出，仲加咗忌廉topping添😆 柚香烏龍冷泡茶($10)好清爽，岩晒夏天！