西佑定食屋 (已結業)

如果有人約我去新都城食飯都會幾頭痕,因為真係無咩好食.是日係新都城找完客人,就搵野食.見到西佑定食屋坐左7成滿,就入去試下.呢度基本上係食定食,反而唔似係居酒屋既模式.如是者叫個滑蛋豬扒鍋$62試下,加$5有野飲,再加$12將飯變成香蔥紫菜溫玉飯凍咖啡叫了少甜,但係都好甜,甜到喊滑蛋豬扒鍋豬扒夠脆,肉質帶實身,醬汁好甜,仲要加洋蔥,甜過MACARON.我反而覺得個味幾正宗,雖然唔合我口味反而個飯就簡單得來又好食,玉子帶少少流心,蛋心帶甜,撈埋香蔥同紫菜,亦有少少豉油,綜合起黎唔錯.定食包埋沙律同味噌湯,味道合格埋單約$86,不算便宜,但係以新都城餐廳既質素來講佢唔係差嫁啦