豚豚食堂

營業中

休息中

係北角滙搵食，未必一定貴，其實都有啲比較平少少嘅食店，其中有一間叫豚豚食堂。我不太清楚豚豚食堂是否連所式的日式快餐店類別，不過見其裝修，就似日版茶餐廳(我見識少)。裝修係其次，食品味道先係重點。同友人各自叫咗個丼，友人話個咖喱味度似日式咖喱，即唔太辣有少許甜味，不過就唔係香咖喱味。我就食個滑蛋豬扒丼，先評個湯，飲落味道淡，感覺似水同料分開未煲埋一齊，所以都酌量夠了。主角係豬扒，咬落去鬆脆有肉汁，唔太油不過就淡味少少，豬扒厚度適中，炸皮唔可以話薄，不過就無甩出黎。滑蛋正常、洋蔥應可以炒香少少先出嚟。至於配菜，簡單一個芝麻醬加粟米，已經幾醒胃。埋單二位都係百幾蚊，算係北角滙內平價食店，所以用正常心態去食，會滿足的。