龍鳳冰室 (已結業)

灣仔好似好多野食，但其實一到午飯時間，間間都排哂長龍，鬼死咁多人，我地呢啲可以彈性上班嘅人真係超級唔慣🙄。今日中午出左灣仔做野，正煩lunch唔知食乜好， 行過龍鳳冰室咁啱有位，唔好猶疑喇，就呢間啦。點左爆辣炭燒肉鬆雞扒飯，賣相唔錯，份量夠大。 塊雞扒其實一啲都唔辣😅，肉鬆好多，舖滿哂嗰塊大過手掌嘅雞扒，但係甜甜地嘅，未必個個啱，不過都ok好味。最正其實都係個滑蛋，好厚但好鬼滑😋杯而奶茶都夠滑夠茶味嘅。冰室嚟講佢質素算唔錯，但由於佢客似雲來，且店面好細，所以食完就要走，想坐一陣抖下氣係冇乜可能嘅😅。