榮哥煮場 (已結業)

依間榮哥望落無乜特別，印象中又唔係開左好耐，但就見成日好爆，門口見到有二人餐又幾岩食就試下。雖然座位唔算好闊落，但幾乎枱枱叫既野都有個gas爐，就係依度主打既明火滾住既湯鍋，就黎冬天，食依d真係幾正。前菜係麻醬拌四季豆。揀左個酸菜魚鍋，湯底酸香帶微辣，辣唔算好刺激，平時唔太食辣既都應該接受到。另外都好足料，大量酸菜木耳芹菜芽菜等等，索哂湯入味好食，魚塊份量都唔少，而且係連皮既魚塊，魚夠新鮮唔會一夾就散開👍🏻酸甜藍莓骨依個值得一試，幾特別而且出面未見過，走過油表面香脆，藍莓酸度唔會好高，微酸有果香，依個好食。另外見佢有咖啡骨又係好特別，留番下次試😋