好燒味 (已結業)

經老闆介紹諗住有好嘢食，點知大開，原來义燒油雞飯，係义燒雞翼一只飯，還要切開，啲骨碎曬，感覺很差，記得松松姐話齋，唔同女人，你叫嘅雞係會有唔同，20歲比雞脾，50歲比雞翼雞頭骨，難度我。。。唉！而义燒，偏瘦，唔夠蜜汁，食到第3舊已經唔想食，因為開始硬lu。如果要义燒或雞，不防叫個自己想食嘅位置睇下會唔會好啲。大體上沒有特別，價錢就可以接受嘅，反正就是外賣都不能太貴。服務態度就不錯，可以一讚，但座位有限，如果想座低食，最好唔係放飯時間去喇。