漁道樂 (已結業)

今日係萬聖節，夜晚同男朋友揀左食日本菜。餐廳門口已經好有日本特色，入面更係充滿日本味道，裝潢方面落左唔少心機，令人彷如置身係日本。五點刺身有三文魚、吞拿魚、油甘魚、甜蝦、魷魚，魷魚上有幾粒三文魚籽。刺身幾肥美，無雪味，味道唔錯。海膽蟹肉反卷有六件，海膽鮮甜，除左蟹肉，仲包左青瓜絲，青瓜味好出。清酒煮蜆有十粒，蜆大大粒，但偏鹹。什錦天婦羅有蝦、茄子、冬菇、南瓜、番薯同應該係麵條，炸得幾好，唔太油膩。唐揚雞炸得過熟，雞肉比較鞋口而且調味偏鹹。我地仲飲左柚子啤酒($68)同白桃燒酎($60)。前者啤酒味出啲，後者白桃味出啲。