影片
更多
2023-08-15
32 瀏覽
想食好啲既居酒屋，OpenRice尖沙咀區評價比較好既都係果幾間。呢間係美麗華附近，非常方便。 食物就算中高價錢，內裡裝修好日式，有氣氛。飲品/酒類選擇非常多，岩晒放工約三五知己黎chill下。刺身 - $98/$168刺身揀左北海道甜蝦刺身、赤貝刺身，甜蝦三隻，size就係中size, 入口好清甜，蝦肉都彈牙。赤貝好爽口，唔係超簿片既，有咬口。生蠔刺身 - $88@岩手縣生蠔一人叫左一隻，超大隻，有小朋友拳頭咁大，鮮味十足！仲有蘿蔔絲加持，更見清甜。本身已有醬汁，唔使加鼓油，唔太咸，好夾。壽司 - $196/$148/$148叫左每樣兩件穴子壽司、三文魚籽壽司、左口魚裙邊壽司。壽司飯size剛剛好。左口魚有炙燒既香味，好滑，入面仲加左蛋黃醬，好豐富。三文魚籽大大粒，靚到好似道具咁，食落口有海鮮咸香味。穴子大大條，基本上係出既既兩倍咁長。擺盤都好有誠意。味噌蟹甲羅 - $88@比你影完相後就即叫即燒，誠意十足，有鵪鶉蛋、蟹肉、蟹籽、蟹糕，店員會幫你撈混再拎上爐燒，燒完後暖暖地好易入口，有炭香味，蟹糕濃味，蟹子又一粒粒，咬落卜卜聲，加埋青瓜好fresh. balance返。清酒煮蜆 -
想食好啲既居酒屋，OpenRice尖沙咀區評價比較好既都係果幾間。呢間係美麗華附近，非常方便。 食物就算中高價錢，內裡裝修好日式，有氣氛。飲品/酒類選擇非常多，岩晒放工約三五知己黎chill下。
7 瀏覽
0 讚好
0 留言
刺身 - $98/$168
刺身揀左北海道甜蝦刺身、赤貝刺身，甜蝦三隻，size就係中size, 入口好清甜，蝦肉都彈牙。赤貝好爽口，唔係超簿片既，有咬口。
0 瀏覽
0 讚好
0 留言
生蠔刺身 - $88@
岩手縣生蠔一人叫左一隻，超大隻，有小朋友拳頭咁大，鮮味十足！仲有蘿蔔絲加持，更見清甜。本身已有醬汁，唔使加鼓油，唔太咸，好夾。
1 瀏覽
0 讚好
0 留言
壽司 - $196/$148/$148
叫左每樣兩件穴子壽司、三文魚籽壽司、左口魚裙邊壽司。壽司飯size剛剛好。左口魚有炙燒既香味，好滑，入面仲加左蛋黃醬，好豐富。三文魚籽大大粒，靚到好似道具咁，食落口有海鮮咸香味。穴子大大條，基本上係出既既兩倍咁長。擺盤都好有誠意。
0 瀏覽
0 讚好
0 留言
0 瀏覽
0 讚好
0 留言
0 瀏覽
0 讚好
0 留言
味噌蟹甲羅 - $88@
比你影完相後就即叫即燒，誠意十足，有鵪鶉蛋、蟹肉、蟹籽、蟹糕，店員會幫你撈混再拎上爐燒，燒完後暖暖地好易入口，有炭香味，蟹糕濃味，蟹子又一粒粒，咬落卜卜聲，加埋青瓜好fresh. balance返。
2 瀏覽
0 讚好
0 留言
清酒煮蜆 - $128
熱辣辣既清酒煮蜆，酒味濃就不在話下，蜆粒粒開晒口，又大粒又肥美，一粒砂都食唔到，係殼到啜埋舊肉同啲湯真係好正！湯入面仲加左昆布，唔怕濃既朋友可以當湯飲！
0 瀏覽
0 讚好
0 留言
牡蠣天婦羅 - $188
食完個刺身同蜆，覺得呢到既甲殼類海鮮都一定會唔錯，真係無令人失望。天婦羅炸皮夠晒簿，入面既牡蠣超級juicy, 但d汁又唔會整濕個炸皮，真係好考功夫。連埋紫蘇葉同青瓜一齊食，味道豐富。
2 瀏覽
0 讚好
0 留言
檸樂Highball / 白桃乳酸 梳打- 各$78
比較少見有檸檬可樂威士忌, 飲落口酒味唔太刺激，反而有檸樂既甜味，有驚喜。白桃乳酸係期間限定，呢個組合係一定無死既🤭
張貼
