黑木亭-お食事処 (玉成大廈) (已結業)

忙左五日，都想星期六日free下。趁住星期六入元朗行街，週未輕輕鬆鬆食番餐去左食日本野。見到個週末放鬆二人餐，有刺身，有炸物，有2款自選主食（多達14款選擇）同2杯果汁都唔洗4百蚊，份量都幾多。首先來三點刺身盛🌸（三文魚二件，油甘魚二件，八爪魚二件）（指定款式）全部都很鮮甜美味。鰻魚牛蒡炸蝦卷🍤4件大大件的鰻魚經過火灸，壽司飯包著青瓜、牛蒡、炸蝦和肉鬆，甜甜脆脆口感豐富。流心熔岩蛋三文魚飯篤穿震騰騰既流心蛋，蛋黃汁慢慢流到佈滿飯素飯的每一處，初時以為三文魚會係切粒上，原來係一片片煎香了的，吃起來非常香口極為滿足。黑松露忌廉石頭鍋烏冬配吉列豬扒定食🥘滾著送來還冒着氣泡不能即時吃。先吃吉列豬扒，炸得一點也不油膩而且非常鬆化。我地將黑松露忌廉與烏冬撈勻，令每條烏冬都充滿住菌香醬汁，吃起來甚為飽肚。