胡爐 (已結業)

呢一間火鍋店我曾經同朋友嚟過，本身係高級嘅單點美食，我見到佢加咗半放題形式，食物質素依然高質$298半自助套餐好抵食，包左惹味雞煲(或可揀鴨或蜆)做煲底，啲雞好嫩滑，好入味，小辣我哋覺得啱啱好，果然惹味！另外包左蠔皇鮑魚佛飛牆，個鮑魚好彈牙！至尊拼盤有四盤，有:1️⃣時令海鮮拼盤有五款，分別係鮮甜鮮蝦、彈牙大鮑魚、肉質飽滿嘅蠔、鮮味十足嘅扇貝同蜆，啲海鮮質素好好👍🏻2️⃣胡爐肉拼盤澳洲和牛、牛舌蕊、黑毛豬豚肉，三款肉中和牛牛味最濃郁，牛舌爽口不韌3️⃣手工丸拼盤 一食就知係黑松露墨魚丸好Q彈，手打蝦丸好多蝦子🦐蝦味十足！芝心丸中間係流心咖😍4️⃣手工餃拼盤泰皇鮮蝦雲吞最正，勁juicy，想encore！XO醬帶子餃、魚皮餃都唔錯！跟住就去到免費嘅野食，都幾多選擇，我地揀左魔芋絲、炸響鈴、炸魚皮，索曬湯精華，後兩者腍中帶脆，口感一流。又加左美國肥牛，同埋唐生花、娃娃菜，估唔到食到尾個鍋底仲幾辣！每人加$38任飲啤酒汽水，飲咗幾罐啤酒🍻爽估唔到最後仲有甜品，我哋揀咗綠茶同埋海鹽味，夠晒消暑今餐真係食得好飽好滿足，滿載而歸！餐廳環境服務都好好👍🏻性價比高