潮洲滷 (已結業)

經過附近見到都有幾個人排隊，所以我都跟咗佢排隊買滷味。黎到又心大心細，所以每樣都要咗少少。我叫左紅腸，豆腐，豬耳，滷水鵝同埋蛋。豬耳比我想像中大份，咬落好爽脆，攞黎送酒就一流阿！滷水鵝啲肉好嫩滑，而且仲好入味。雖然睇落好似好鬼瘦咁，不過食落又ok，啲肉一啲都唔鞋！滷水豆腐，係我每次食滷味都必食嫁！豆腐就比較硬身，不過佢勝在面頭有滷水味，入面就超濃豆味！總括嚟講食物都ok，而且價錢都幾實惠，有機會我會再嚟幫襯！