滷府 (已結業)

今晚放工經過海光街，想買外賣返屋企加餸，透過透明櫥窗見到d 滷味油陵陵，都幾吸睛。於是決定點幾味滷味返屋企。見到餐牌上大部分都係慢煮食物，當然要品嚐下，就揀左慢煮滷水鵝翼，大大隻，咬上口非常想滷水味，而且將鵝肉味昇華，即使連皮肉都滲透了滷水，慢煮出來的果然高質。另外，亦有點滷水墨魚和紅腸，兩樣都是常見，而且配上這家的滷水汁，味道更加好，真係食上癮。順帶一提，另外配上的沾醬亦非常惹味，特別是配上墨魚和紅腸，餸飯一流。