阿元菜市場 (科士街) (已結業)

我哋先落單叫咗一個滷味撈麵同埋一個紅燒半筋半肉燴飯，個攣頭髮四眼侍應哥哥就問我哋會唔會叫芋圓火鍋。我哋話食完個麵同飯先叫，佢就話繁忙時間用餐時間只得45分鐘。我問佢繁忙時間即係幾點到幾點？個哥哥就儍笑，答唔出。當時得3-4枱客，坐滿全店約20%，真係唔覺有幾繁忙。咁既然要食得咁急趕又咁奴隸制，我哋就緊係話唔要個芋圓火鍋啦，諗住拿拿聲食完個麵同飯就走。點知啲食物質素同個侍應哥哥嘅服務態度一樣咁差，最精彩係佢哋喺門口貼哂紙宣傳嘅台灣滷味係完全無滷水味！但價錢一啲都唔平，叫咗六個餸加個公仔麵，承惠$102！ 另外個燴飯同樣精彩，啲飯係未煮熟，生米骨㗎！一句講哂，只玩gimmick，味道欠奉，物非所值！