潮洲滷 (已結業)

經過灣仔想斬料返屋企加餸，剛好見到呢間滷水店，決定買滷水鵝返去，左望右望，呢樣又想食嗰樣又想食，最後我叫師傅幫我斬百五蚊雜錦拼盤，正！滷水鵝好靚，唔肥，肉質有彈性，味道亦都剛好！份量都多！另外有豬耳夠爽口，鵝腎平時好似比較少食，都幾好肉地，比起一般鴨腎有口感。豬大腸其實我平時唔係好食，不過老公鍾意，試咗一舊都OK喎，感覺幾juicy。滷水豆腐好大塊，唔會散開，唔錯。等緊嘅途中，發現原來佢葵芳都有一間分店，仲有金剛同小儀嘅合照添，似乎真係有啲口碑喎！