翠華餐廳 (已結業)

今日同小B👩‍👦，黎到中環翠華餐廳！入到去，見到枱面寫住有個$88嘅雜扒餐，睇落好多嘢食， 就叫黎試吓！嗰餐包括有羅宋湯、凍奶茶、司華力腸豬扒牛扒雞扒配上雜菜和意粉，啲扒塊塊都好厚身，意粉份量驚人😄，係兩個大人嘅份量，而且保持到翠華一貫嘅高水準，最後仲有一份蛋糕做甜品添，性價比十足！✨✨今日發生咗件小插曲，小B唔小心，成杯奶茶倒瀉咗，仲流到落地下！店舖經理梁生一見到，就九秒九走埋嚟幫我哋抹枱同埋清潔地板，之後仲主動叫廚房整過一杯新嘅奶茶送俾我哋，小小嘅舉動，已經令人非常窩心👍小B嘅心情都立即轉返開心🥳公司有呢啲細心嘅員工，真係要好好珍惜，絕對係對呢間店舖嘅一個加分點👍👍👍✨✨✨