富士山55 (拉麵沾麵專門店) (已結業)

早前見到網上有唔少朋友洗版令我得知呢間專食日本沾麵既餐廳, 令我抵擋不住那股誘惑, 今晚誓要前來一試! 今晚放工8點左右, 已見到門口有一人龍在等位, 果然那股受歡迎程度不可睇少!店內位置非常細, 但座位比較窄, 至於背包等隨身物品可掛上牆, 讓座位位置稍為寬闊一些。今次特意為海膽前來, 所以想都不用想, 一坐低即時向店員落Order...【海膽沾麵】HK$188海膽整齊地排列係沾麵上, 分別係大大舊既加拿大海膽同埋細細粒既韓國海膽, 韓國海膽味道比較淡, 而加拿大海膽味道較為濃。同樣入口即溶, 沒有臭腥味, 非常新鮮, 鮮甜味比甘味更加突出。海膽同沾麵幾乎是一對一, 另一碗是一暖暖既湯底, 用左豬骨、雞肉、蔬菜、加拿大海膽蓉同忌廉煮成, 所以湯底略帶點杰身, 而且香濃~~把麵條浸於醬汁中再夾黎食, 整個口腔都充滿海膽味~ 麵質偏向些少硬身~ 加上有唔少三文魚籽, 入口時魚油從口中爆開, 口感特別, 而且更帶點魚油香。整體海膽份量都幾多, 就算食完成個沾麵, 都仲有海膽多, 果然係夠哂足料!!