漁吉海鮮丼專門店 (已搬遷) 新店位置

九龍城真係一個美食天堂，除咗有正宗嘅泰國菜，仲有新鮮嘅日本丼。蟹三味一上枱真係嘩咗一聲，滿滿嘅蟹肉🦀，仲有大大隻嘅蟹腳，每一啖飯都充滿蟹肉同蟹膏嘅鮮味，再加上蟹子咬落去卜卜脆。漁吉特選丼每樣海鮮都有🦐🦑🐟，唔怕心大心細，樣樣都好新鮮，就好似啱啱喺海到捉翻黎禁，仲好大份好抵食🥰明太子雞翼已經拆咗骨，裏邊有滿滿嘅明太子，出邊炸到脆卜卜，非常香口。餐廳嘅麵豉湯，係自助模式，放喺枱上面，鍾意飲幾多都得。