至尊滿屋日本料理 (已結業)

之前食過銅鑼灣分店覺得唔錯，今次約FD食飯，一於又去試下佢地既旺角分店！位於食肆林立既瓊華中心，晚市放題分別提供兩小時 (由$208起)或五小時 ($358)兩種價錢選擇，今次K就揀左兩小時放題，時間都足夠。佢地呢度飲品選擇都多，由紙包飲品到罐裝汽水、清涼爽呢啲都有；酒鬼們可以任飲梅酒清酒，更有Hoegaarden同Somersby，係放題黎講都比較少見。放題紙方面都係一般放題種類啦，包括有小食、沙律、季節料理、燒物、鍋物、天婦羅、炸物同和風料理。壽司、手卷等好細心咁設計到細細舊，岩哂D想食但又唔想佔太多Quota既朋友，而且呢度仲有一啲創意壽司好似香芒龍蝦沙律卷、烈火拖羅加州卷、至尊蜜糖芥末三文魚腩壽司、法式芥末象拔蚌壽司等，比較有新鮮感。刺身亦都夠新鮮，質素唔錯。炸物必點榴槤波波，完全係ENCORE之選！外皮炸到脆卜卜，熱到辣口，中間塞滿左榴槤餡，超！級！香！仲有炸香芋丸，外皮煙煙韌韌，中間滿滿既芋蓉好綿密，而且味道不太甜，唔會覺得好添加，芝麻雞翼亦炸得香脆可口。料理選項中既吉品鮑汁燴花膠盛宴同西京比目魚都係唔錯既，比目魚煎到外脆內軟，花膠當然係回本位啦，煮得淋身入味，都幾大件嫁。