滿屋日本料理 (大鴻輝(荃灣)中心) (已結業)

疫情前，呢間餐廳我光顧過幾次，最鍾意就係佢有梅酒同日本清酒任飲，食放題除左有一般既飲品提供外，如果有梅酒同清酒一定會加唔少分。隔左三四年，再次光顧呢間餐廳，餐牌同價錢唔同左，既然甘耐未光顧過，就選擇左D極緻呢個餐。呢個餐食物超級豐富，有大拖羅、海膽、鵝肝鮑魚等可以食到飽，仲有我鍾意食既鰻魚都有幾款，而且味道都好好又肥美。點左好多野食，特別推介長腳蟹，味道鮮甜，肉質結實，食落啖啖肉。串燒都必食，不會燒到又乾又柴。仲有大家可以試下燒榴槤，燒菠蘿大家應該食過，燒榴槤應該比較少見，原來燒過既榴槤會更加香甜。