小甜谷 Dessert Kaffee (已結業)

之前已經試過呢間嘅甜品，知道佢地原來新開多咗一間西餐廳，所以決定跟老公去試試。位置都算方便，近銅鑼灣地鐵站C出口，行大約3分鐘左右就到。店內感覺光猛，裝修精緻，而餐牌顏色色彩繽紛，睇見令人心情愉快。食物款式多多，睇到人眼花撩亂。鮮榨神奇西瓜原個小西瓜起肉打成新鮮西瓜汁後再放回殻內，原個奉上，西瓜汁冰凍解渴，味道清甜。冰凍鮮果錫蘭茶錫蘭茶味香濃，每一啖都滲出淡淡嘅果香味，而且整體上不算太甜。68度溫泉蛋忌廉蟹肉意大利粉新鮮蟹肉配上大量蟹籽，面層放上溫泉蛋，拌混之後每條意粉都充滿蛋香味，而且忌廉汁香滑，蟹肉鮮味，令人一試愛上。胡椒蜜糖豬仔骨，厚薯條（半份）黑胡椒加上蜜糖烤焗而成，味道甜甜地又有胡椒香味，肉質鮮嫩有咬口，配上粗身厚薯條，還有加上芝麻醬的生菜沙律，滋味非常。最後當然要叫個甜品做結尾。抹茶白玉新地抹茶雪糕香濃軟滑，配料有不同顏色嘅糯米丸子。焙茶白玉新地焙茶味突出，味道香甜。估唔到主食水準都可以咁出色，而且員工有禮貌，下次可以再試其他款式。