阿芳上海餛飩 (已結業)

Item: 阿芳上海餛飩
Rating: 4
Author: 奧志雷

Ah Fong Shanghai Wonton

3.5

60 食評

味道

環境

服務

衛生

抵食

1115

紅磡

$50以下

滬菜 (上海) 雲吞/餃子

奧志雷

等級4

2.1K

早睡早起，早飲早爆早訓覺，昨晚未夠十二點訓，未夠六點就醒咯，摸下摸下夠鐘返工，慢慢嘆份早餐再慢條斯理返公司。食客唔知阿芳有港式早餐嗎？隔離陰暗迫夾夾茶記朝朝爆場，依度環境光猛乾淨、早餐優質就只得小貓兩三隻？

餐牌寫住三明治什麼新創佳餚？有趣有趣，老闆都十分幽默。點解眾多食肆會叫即食麵做公仔麵呢？好似竹輪叫獅子狗？銅鑼燒叫豆沙包？為了茄汁焗豆而來，姐姐告知已經取消，只是餐牌無改。合記執笠後已經食唔到高質丁麵喇！好采遇到芳芳，她媽的滿分高水準！隔離間乜春春窮人謊丁麵專門店，連丁麵都得唔好，返鄉下慢慢謊啦！

阿伯您無武肺都有精神病，全場得三個客大把位，點解係要黐埋黎，坐係我背脊後面迫迫夾夾，抗炎期間保持距離！仲要大聲喧嘩鬼殺咁嘈，稱已探訪幾朋友，依家到探您地喇。我唔想知囉！最後唔知係嬸嬸醒目還是阿伯感覺到殺氣，先捨得坐一格，比我安安樂樂食份早餐好無！

熱檸茶走甜，濃濃紅茶膽，舒服不苦澀，滲著溫柔鮮檸味。熱檸水走甜，清清地都好既。熱奶茶，奶味強茶味弱，質地薄薄滑溜，撞得不錯。熱齋啡走甜，茶記的味道，不酸不澀，甘甘入口似涼茶。凍檸樂，冰凍回魂曲解解酒醒醒腦，琴晚醉到太空漫遊？

餐腿蛋治烘底，特上星級炒厚蛋，驚嘆色香味！熱熱滑滑蛋甜蛋香，拍爛手掌！火腿咸鮮帶彈，餐肉油感很重，多士微微脆口，外脆內軟合體成優雅的味道。芝蛋腿治烘底，微暖多士腍了！幸好依然香口。炒蛋非常嫩滑味濃好好食，室溫火腿未能將芝士溶掉，只能靠熱熱炒蛋隔山打牛呢，三合一整體味道蠻不錯。

鮮茄芝蛋治烘底，其實味道認真不錯，溫柔靜態硬係缺少鑊氣，沒有當年燦記萬馬奔騰熾熱的感覺！炒蛋免強還可以溶掉芝士，讓大家都黏在一起。味道融合，整體微暖，鮮茄凍凍，冰火塞入爆汁！茄水蛋汁加半溶芝士及香口多士，百花齊放非常感謝。

叉燒炒蛋配奶油多，早餐有叉燒炒蛋食真好！熱辣辣啖啖肉真材實料新鮮出爐，嫩滑炒蛋，蛋汁滴滴蛋味香醇。奶油厚多士，不知何解稱為多士？暖暖地不脆口亦沒有焦香喎，可否淨牛油多士呢？甜甜的鍊奶混叉燒炒蛋一齊食怪怪的。

番茄炒蛋配奶油厚多士，淨係賣相及顏色已令我心如鹿撞，紅黃配襯鮮艷亮麗。實在太過份！只不過一份簡單的炒蛋有無那麼好食嗎？新鮮出爐熱辣辣蛋香四溢，爽甜微暖番茄撞著嫩滑多汁炒滑蛋，滋味無窮，好想好想撈飯食呢！奶油厚多士，牛油搽滿整塊麵包，包質似海棉，濃濃煉奶散發淡淡牛油味。味道蠻不錯，係衰在不熱不脆。

野菌煙肉炒蛋配奶醬厚多士，其實我好鍾意食蛋，最主要只為食蛋。突然意識不到兩餸的話，雞蛋份量實會少一半，陰功豬咯！煙肉當然跟洋蔥係絕配，敝在我對白洋蔥麻麻地的，配野菌較好。勁多野菌煙肉超足料，似大阪燒多過似炒蛋。啖啖都係清香爽甜野菌絲，啖啖都係濃濃煙肉片。有點略咸，如果切粒會更舒服，味道會更溫和，炒蛋一向嫩滑甜美無投訴。

奶醬厚多士，多多煉奶多多花生醬，細心地搽得非常均勻，有誠意並不是求其一篤就算。香香漿嘴花生醬搭黏黏濃甜煉奶，百年來的拍檔那會不好吃，只係厚多士依舊不夠熱啊。

太陽蛋雞扒出前一丁，太陽蛋底熱面暖，蛋白焦脆，蛋黃黏滑，優質處理。鮮煮出前一丁等 10 分鐘絕對無所謂，早前繼 5 星級火腿炒蛋叉燒湯意後，再來 5 星級太蛋雞扒丁麵，最緊要好食高質，就算快到 1 分鐘出貨給我係完全無用架！太陽蛋插入中出，讓每條麵都能掛上汁液，蛋汁甘甜到天涯海角！加上濃郁滾燙湯汁及爽彈嫩滑麵條，頂級特上的享受！使得我失控暴走，胃口全開迅間秒殺灰飛煙滅，湯都幾乎倒晒落肚！這個師傅不太懶，即做半煎炸雞扒！雞扒足足半件夠大方，厚厚啖啖肉，雞汁澎湃欲滴，醃味香濃，皮香肉嫩，鮮味橫蠻，讚口不絕！連熱飲 $35 蚊實在過於經濟合理。

太陽蛋沙嗲牛肉出前一丁，沙嗲汁香甜，牛肉鬆化優質好味道！太陽蛋既蛋白少許過熟有點鞋要扣點分數。鮮煮熱騰騰出前一丁極爽彈無與倫比，濃濃湯汁混入沙嗲更可口惹味，忍不住飲多兩啖！煎蛋五香肉丁即食麵，居然連普通即食麵都係即煮，絕對有誠意！寫明即食麵，當然梗係要即煮架啦，爽彈優質氹得我歡天喜地！

五香肉丁鬆化不鞋不肥，五香辛辣味可口吸引。煎蛋仍有少許甘甜蛋汁未至全熟，只係蛋白已經過老了！煎蛋五香肉丁即食麵，湯底就略為太淡，試試兩三羹辣油能否有幫助。居然跟大埔許記一樣用麻辣辣椒油，雖然香辣麻兼備不過味道與五香肉丁完全唔夾。

太陽蛋豬扒出前一丁，香噴噴煎有骨豬扒，微𢲡鬆化彈牙，醃味重手略咸還頂得住！福佳老闆話實施抗武肺策略九點半先開工，我一向都自費扣人工返九點半架啦！要食即煮靚麵等區區 10 多分鐘實屬等閒事！反轉太陽蛋吸吸熱力再後面插入中出，爆漿黏黏暖笠笠，啜得暢快舒服好味道！

雞翼太陽蛋出前一丁，雞皮微脆香口包著嫩嫩濕濕白肉，清新豉油醃味，啜得開心愉快！太腸蛋吉列豬扒配牛油厚多士，藍黃是政見，黑白是良知，整碟全部都係靚靚黃色！新鮮出爐豬扒薄切，香脆而略咸。多士搽上濃郁牛油，綿綿厚麵包，沒怎樣脆多士感覺，不過撈埋蛋漿極美味！

腸仔煎蛋吉列魚柳配牛油厚多士，炸透的腸仔，燙住嘴熱辣辣爆汁水潤格外美味！新鮮出爐外層香脆無比，包著濕滑白肉。吉列咸魚？馬介休嗎？咸咸龍脷柳也掩飾不了魚腥味！焦香荷包蛋，蛋汁黏滑甘甜，最緊要流汁！厚多士真係唔夠熱唔夠脆，沾著蛋汁好食許多。

沙嗲牛肉湯通粉，加入大量胡椒粉增加刺激感，還有香甜沙嗲汁攜手提味，更多姿多彩！盛著半粉半彈通粉連濃厚甜美胡辣雞湯底，微辣暖胃熱熱灌入好舒服！

午餐肉炒蛋雞扒湯通粉，點解唔等齊全套午餐肉炒蛋雞扒先出呢？以為我會悶悶淨食齋通粉所以出先？實在太天真，實在太唔了解我，等到午餐肉到達碗通粉唔夠熱喇。到底篤沙律醬係配咩呢？沙律醬撈蛋？沙律醬搽雞扒？還是當膠水將炒蛋午餐肉雞扒黐埋一齊呢？午餐肉硬實油益味濃，油淋淋漿著嘴，搗碎浸湯洗洗連通粉同吃，免強全部食晒。雞扒醃味重手好咸，仲要帶酸唔新鮮！雞皮輕脆黐牙，遠遠未達標。炒蛋她媽的高質幼嫩緊緻，滑滑帶汁香噴噴。