秋香 (黃金海岸商場) (已結業)

今日陪母親大人行街，行到秋香餐廳門口，母親大人就天氣熱唔行，即入去。餐廳一個人都無，好驚🫢，原來鋪未開，我哋就入左去坐。🌟前菜:沙律+麵豉湯沙律菜款式不多，勝在好新鮮，清甜可口。麵豉湯唔會咸，好香甜，材料足，食到好多蜆肉和海鮮，好正，忍唔住一口氣飲晒🤩🌟精選炸物:日本爆春多卵魚炸粉好薄，金黃香脆，咬落去好外酥內軟，啖啖多春魚，滿口魚卵的香味，好滿足!🌟軟殻蟹明太子醬牛角包窩夫配薯我每次食軟殼蟹最驚就係油膩感重，今次就有驚喜，即叫即炸仲食到蟹肉不失口感，炸粉不厚不油膩，每一啖都充滿蟹肉的香味！明太子醬香濃惹味，窩夫餅軟綿香甜，再配上粗身薯條，不錯👍🏻🌟鹽燒白鱔煲仔飯（限量供應）煲仔飯即叫即製，白鱔一上枱，香噴噴，好吸引，份量十足，鱔肉厚身，本身的油分滲入底下的飯！最重要是輕易就起出一大塊金黃色飯焦，飯焦香脆、帶微微油香，不會黏牙！值得一試🤩老細娘好細心，好有人情味，今餐食得好滿足，值得再encore。