鐵花村 (愛群商業中心)

營業中

休息中

朋友話之前去過一間小店充滿台灣感覺, 所以今日放假就去 ❥⧽鐵花村 ❥⧽試吓。餐廳牆上掛滿台東景點介紹, 天花亦掛咗好多天燈, 再加上店員來自台東, 同我地傾台灣嘅人事物, 真係令人有一種去咗台灣嘅感覺。𓊈玉米起司蛋餅𓊉呢個係真正嘅台灣蛋餅, 外皮煙靭, 唔會好乾, 蛋炒得好軟滑, 配埋溶咗嘅芝士, 真係好好食, 大力推薦!𓊈酥炸排骨麵𓊉平時比較怕食太油膩嘅酥炸排骨, 不過呢度嘅酥炸排骨完全無油膩感, 而且好酥脆, 肉質好軟腍。湯麵同喺台灣食嘅真係無分別, 有滷蛋, 蘿蔔, 芽菜, 麵質亦好彈牙。𓊈蒜味台灣香腸𓊉台灣香腸一定一定要配蒜片, 蒜片絕對可以帶出香腸嘅味道, 雖然食完之後個口會有味道🫣𓊈炸花枝丸𓊉花枝丸炸得好香脆, 裡面真係有花枝 der! 𓊈芋香奶茶 ✧ 仙草奶茶𓊉呢度嘅飲品同其他台式店真係好唔同, 正常甜度係真係正常㗎, 店員話台東口味比較健康, 唔會落太甜, 所以我覺得好好飲呀!✧✧ 全部食物飲品都好好, 店員好 nice, 係好值得去嘅一間餐廳。