幸福鍋 (已結業)

行經過太安樓，原先諗住掃街買小食食當餐！但見到有間新開既幸福鍋，好似幾吸引，又有便當又有一人一鍋，就走左入去試下😂臭臭鍋🥘：真係台式餐廳先有！湯底既沙茶醬、豆瓣醬味好香，少少辣，但又幾惹味🤭豚肉半肥瘦爽彈，再食埋有發酵味既臭豆腐、枝竹，都索曬味😍貢丸幾彈牙！入面有埋邪惡既米血糕、大腸，配呢個湯底真係一流👍😋藥膳花雕雞鍋🥘：好滋補既湯式，岩曬我呢種女人😂藥材味同酒味好出，入面有紅棗、人蔘、蟲草花、蓮藕、娃娃菜同埋豬肉水餃😍好多材料！超補既雞鍋，雞鍋食落都幾滑嫩火鍋另外仲可以配粉絲或者係薯粉😍索晒啲湯底好入味😍夜市鳳梨水果茶：好香甜，又飲到清香嘅茶味👍冷泡亞里山鳥龍：烏龍茶好清香🍵 可以一解油膩