影片
更多
2023-10-12
43 瀏覽
放假又係約好友飯聚時間，朋友係K11返工，見附近有呢間「Bingo & Cook」，之前試過銅鑼灣店唔錯，今次就試埋尖沙咀分店啦。餐廳有分室內及室外座位，室外位置擺放簡單嘅膠枱及櫈，好有韓國小食攤嘅感覺。入座後先送上韓式小食，四款中尤其喜歡脆肉瓜，麻油味好香。Bingo特製沙律 :沙律菜好新鮮，配上微炒過嘅雜菇，入口感覺清新，醬汁係芒果醬，有粒粒芒果肉，味道酸酸甜甜好開胃。手作豬肉蒸餃子 :餃子大大隻，外皮夠薄，內餡非常飽滿，食落滿口肉汁，值得一讚係餐廳會用火坐住，可以保持住啱食嘅溫度。魚餅湯 :用慢火一路煲住嘅魚餅湯份量十足，有好多魚糕，吸收晒清甜嘅湯汁，非常滿足。食到一半仲有驚喜，原來有半隻蟹，難怪湯汁越煲越鮮甜。吞拿魚紫菜包飯 :一碟有十件，餡料份量相當多，除咗吞拿魚外，仲有青瓜、甘筍絲、醃蘿蔔等等，食落有咬口，每種材料味道好夾，唔駛沾醬油已經好好味。韓式冷麵 :麵條煙煙靭靭，配菜有牛𦟌、青瓜絲、蘿蔔絲及半隻蛋，配上少量韓式辣醬，令湯汁更惹味，冰塊令湯汁保持冰涼，天時暑熱食真係覺得份外涼快。
餐廳有分室內及室外座位，室外位置擺放簡單嘅膠枱及櫈，好有韓國小食攤嘅感覺。
入座後先送上韓式小食，四款中尤其喜歡脆肉瓜，麻油味好香。
Bingo特製沙律 :
沙律菜好新鮮，配上微炒過嘅雜菇，入口感覺清新，醬汁係芒果醬，有粒粒芒果肉，味道酸酸甜甜好開胃。
手作豬肉蒸餃子 :
餃子大大隻，外皮夠薄，內餡非常飽滿，食落滿口肉汁，值得一讚係餐廳會用火坐住，可以保持住啱食嘅溫度。
魚餅湯 :
用慢火一路煲住嘅魚餅湯份量十足，有好多魚糕，吸收晒清甜嘅湯汁，非常滿足。食到一半仲有驚喜，原來有半隻蟹，難怪湯汁越煲越鮮甜。
吞拿魚紫菜包飯 :
一碟有十件，餡料份量相當多，除咗吞拿魚外，仲有青瓜、甘筍絲、醃蘿蔔等等，食落有咬口，每種材料味道好夾，唔駛沾醬油已經好好味。
韓式冷麵 :
麵條煙煙靭靭，配菜有牛𦟌、青瓜絲、蘿蔔絲及半隻蛋，配上少量韓式辣醬，令湯汁更惹味，冰塊令湯汁保持冰涼，天時暑熱食真係覺得份外涼快。
張貼
