齊柏林熱狗店 (鱟地坊) (已結業)

食過葵芳嗰間，一直都知荃灣有齊柏林，但唔知喺邊，原來係喺鱟地方巷仔。喺轉角買咗杯嘢飲，買熱狗做下午茶真係一流！ 我係菠蘿控，所以成日叫澳式風情熱狗。呢個熱狗個包好鬆軟，煙肉、菠蘿、肉醬都好足料有口感，特別鍾意肉醬有丁丁辣，肉醬、芝士同菠蘿汁嘅味道好夾。成個包juicy得嚟唔會漏汁，個包唔會淋晒，值得一讚！足料程度係食到最後有一pat跌咗落盒，仲食得唔好嘥！鋪面嘅芝士有啲啲乾，我諗係正常。整體賣相同味道都好正！