滿記甜品 (已搬遷) 新店位置

今日去滿記冇食以往食開嘅芒果糖水，反而叫咗一杯草莓沙冰，係夏天嘅新產品，但感覺就唔係咁好啦。首先係上面嘅幾粒草莓果肉偏酸，雖然知道新鮮草莓係咁，但食得甜品都想係甜嘅，夾硬要講嘅就只可以話佢令到杯飲品顯得甜啲。其次，成杯沙冰裏面嘅草莓味道唔係咁天然，而且冰粒都幾大粒下，飲到中後期有好多大大粒嘅冰用吸管都吸唔到，仲要用口咬嚟食，而且味道已經大不如前，變到十分之淡，所以去到後期已經唔係咁想飲。下次再去都係點返一啲比較傳統嘅甜品或者芒果味嘅嘢好啲啦。