Chopsticks Fork n Knife (CFK) (已結業)

今日有舊同事喺外國返嚟探班，所以就同佢出去食好嘢。行到去One Island South，一個想食西餐，一個想食其他類型，就走去CFK，一次個滿足大家嘅願望。啱啱過咗午飯時間所以入唔到。入到去好快就有位坐。朋友分別點左日式鰻魚溫泉蛋飯，黑松露雜菌意大利飯，而我就點左墨西哥素菜卷、炸墨西哥脆片配牛油果醬。先上餐湯同沙律。日式鰻魚溫泉蛋飯嘅賣相唔錯，朋友話個鰻魚味道不錯。黑松露雜菌意大利飯黑松露嘅味道非常濃郁，佢上菜嘅時候連隔離嘅人都聞到香味。相對地個素菜捲就比較失色。個餅都煎得脆口，但餡料唔算豐富，主要係生菜同幾粒粟米。脆片味道較淡，而牛油果醬味道亦麻麻，牛油果味不重，而重洋蔥味。環境亦算唔錯，幾岩傾住計嚟食。