影片
更多
2011-08-09
30 瀏覽
之前團購買左個二人餐, $168 共有七個餸, 加杯餐飲同雪米糍. 好抵. 上菜上得幾快, 而且味道唔錯. 侍應既態度都好有禮貌, 仲會提示我地先食邊D先會好D, 凍左唔好食.主廚仲親自出唻問你意見, 同埋介紹有邊D好食.好親切. 下次會再幫襯.〈御宮‧廚神料理二人前〉 1. 磯煮雪鮑螺 + 2.剌身拚盛合︰三文魚 + 油甘魚 及 甜蝦 雪鮑好似罐頭鮑魚咁, 味道唔錯, 幾鮮甜彈牙. 至於刺身則係正常. 3. 得獎作品 - 牛油果三文魚沙律呢個較特別, 上面係一層三文魚, 中間牛油果, 下面紫色一層係紫心蕃薯蓉.嗯... 我幾鐘意下面果兩層, 但上面生既三文魚就覺得有D唔太match. 我都係慣左魚生要夾D wasabi食...或者轉用煙三文魚會好D. 4. 燒安格斯牛肋骨燒得好香, 好有牛味, 正! 5. 黃金蟹棒燒 2 件蟹棒好結實. 正. 侍應仲特登提我地要熱食. 的確好貼心.6. 海鮮炒烏冬用料好足, 好多海鮮, 不過有隻蜆殼炒碎左, 食到D碎殼口感就爭D.味道都唔錯, 不過略嫌較多油. 7. 吉烈炸蝦本身唔鐘意食炸蝦, 所以不願置評.星期六, 兩點鐘去到, 以為會好
上菜上得幾快, 而且味道唔錯.
侍應既態度都好有禮貌, 仲會提示我地先食邊D先會好D, 凍左唔好食.
主廚仲親自出唻問你意見, 同埋介紹有邊D好食.
好親切. 下次會再幫襯.
〈御宮‧廚神料理二人前〉
1. 磯煮雪鮑螺 + 2.剌身拚盛合︰三文魚 + 油甘魚 及 甜蝦
雪鮑好似罐頭鮑魚咁, 味道唔錯, 幾鮮甜彈牙. 至於刺身則係正常.
3. 得獎作品 - 牛油果三文魚沙律
呢個較特別, 上面係一層三文魚, 中間牛油果, 下面紫色一層係紫心蕃薯蓉.嗯... 我幾鐘意下面果兩層, 但上面生既三文魚就覺得有D唔太match.
我都係慣左魚生要夾D wasabi食...
或者轉用煙三文魚會好D.
4. 燒安格斯牛肋骨
燒得好香, 好有牛味, 正! 5. 黃金蟹棒燒 2 件
蟹棒好結實. 正. 侍應仲特登提我地要熱食. 的確好貼心.
6. 海鮮炒烏冬
用料好足, 好多海鮮, 不過有隻蜆殼炒碎左, 食到D碎殼口感就爭D.味道都唔錯, 不過略嫌較多油.
7. 吉烈炸蝦
本身唔鐘意食炸蝦, 所以不願置評.
星期六, 兩點鐘去到, 以為會好多人,
點知得幾枱客, 問返原來係因為平日做寫字樓客多, 反而星期六會較少人.
下次星期六出開深水埗, 係一個唔錯既既選擇.
張貼
