Saravanaa Bhavan (已搬遷) 新店位置

講到食印度菜, 應該個個都會諗起去重慶食咖哩。 其實係尖沙咀食印度菜又點只重慶一個地方。今次朋友帶左我去亞士厘道上樓既Saravanaa Bhavan食印度素菜, 係重調味既咖哩下, 食素菜好似罪惡感減半, 完全自欺欺人FEEL, 哈哈.呢度環境比重慶舒服乾淨好多, 而且座位闊落, 方便GIRLS TALK。 為左可以試最多既野食, 我地叫左Parotta & Vegetables set 同North Indian Thali.Parotta & Vegetables set 印度千層煎餅+蔬菜咖哩+薯蓉North Indian Thali. 入面有咖哩芝士, 豆蓉, 鷹咀豆沙拉, 蔬菜, 鷹咀豆酸奶, 黃飯, 薄餅..一共有10 種野食, 岩晒我地呢D 有選擇困難症既港女, 哈哈雖然我唔識分邊種咖哩係咩材料咩口味, 但總括黎講, 每種咖哩都有少少分別, 唔會只係得青黃白咖哩咁簡單, 而且唔會好辣, 食完個身唔會好大陣咖哩味, 值得推介。