影片
更多
2020-02-15
1346 瀏覽
灣仔日月星街有好多好食嘅餐廳，每一間都不能錯過。今日特別想食omakase，就揀鮨月啦！第一道就已經有驚喜。鮟鱇魚肝配北海道海膽，我好鐘意食鮟鱇魚肝架，今次廚師發辦有得食，正呀！兩款食材都有濃郁嘅味道，我個人喜歡分開魚肝同海膽黎食，可以食到兩樣食材嘅鮮味。至於個薄切縞鰺，面頭有少少柚子皮，配合個酸汁，絕對唔到蓋過魚嘅鮮味，味道恰到好處，而且仲好開胃添！下一道係北海道厚岸蠔，好大隻呀！我一啖放入口，有少少海水味，仲有檸檬汁突出厚岸蠔嘅鮮味。帆立貝刺身，好新鮮，加少少新鮮磨嘅wasabi，唔需要再加醬油，好好味呀。旁邊有燒裙邊，裙邊燒得好看，好惹味，停唔到口呀！中吞拿魚腩漬，面頭灑少少芝麻，紫蘇葉，配埋赤大根漬，口感十足，吞拿魚腩又鮮又厚，好正。三文魚嘴軟骨，用甘草漬，又幾好食喎，少少軟骨嘅脆度，有少少咬口，酸酸甜甜，唔錯呀！到壽司喇！今次有五款壽司，款款都好食，不得了呀。首先係鱸壽司，上面放上柚子胡椒。柚子胡椒無搶到鱸嘅鮮味，好配搭呀。仲有連子鯛壽司，配上梅醬，連子鯛肉質清爽，梅子醬令味道層次更豐富。黑鯥嘅油份較高，而皮嘅部分炙燒過，面頭有少少海苔提味，我好鐘意黑鮭呀！赤蝦壽司配上松葉蟹
第一道就已經有驚喜。鮟鱇魚肝配北海道海膽，我好鐘意食鮟鱇魚肝架，今次廚師發辦有得食，正呀！兩款食材都有濃郁嘅味道，我個人喜歡分開魚肝同海膽黎食，可以食到兩樣食材嘅鮮味。
至於個薄切縞鰺，面頭有少少柚子皮，配合個酸汁，絕對唔到蓋過魚嘅鮮味，味道恰到好處，而且仲好開胃添！
下一道係北海道厚岸蠔，好大隻呀！我一啖放入口，有少少海水味，仲有檸檬汁突出厚岸蠔嘅鮮味。
帆立貝刺身，好新鮮，加少少新鮮磨嘅wasabi，唔需要再加醬油，好好味呀。旁邊有燒裙邊，裙邊燒得好看，好惹味，停唔到口呀！
中吞拿魚腩漬，面頭灑少少芝麻，紫蘇葉，配埋赤大根漬，口感十足，吞拿魚腩又鮮又厚，好正。
三文魚嘴軟骨，用甘草漬，又幾好食喎，少少軟骨嘅脆度，有少少咬口，酸酸甜甜，唔錯呀！
到壽司喇！今次有五款壽司，款款都好食，不得了呀。首先係鱸壽司，上面放上柚子胡椒。柚子胡椒無搶到鱸嘅鮮味，好配搭呀。
仲有連子鯛壽司，配上梅醬，連子鯛肉質清爽，梅子醬令味道層次更豐富。
黑鯥嘅油份較高，而皮嘅部分炙燒過，面頭有少少海苔提味，我好鐘意黑鮭呀！
赤蝦壽司配上松葉蟹蟹膏，真係味覺嘅大滿足呀！赤蝦嘅鮮味唔洗講，個松葉蟹膏嘅咸香，真係好正呀！
最後有大吞拿魚腩壽司，位置係近魚鮫嘅位，油脂好香，入口融化，一再回味呀。
到和食嘅部分，有燒太刀魚，又香又嫩，一串真係唔夠。
雞肉棒燒得好香呀，又唔會太實淨，同其他餐廳嘅唔同架。
到天婦羅喇，有明太子釀入青椒，白子，即係鱈魚精子，同埋蝦，新鮮即炸，每樣都好味！
炒鮑魚完全無煮過火，又軟又入味。
最後有蟹肉茶漬飯，好清爽，係一個好好嘅結尾呀。
張貼
