褔村日本料理鐵板燒 (已結業)

男朋友之前已經係福村食過omakase，今次就係生日再帶我黎食lunch set 🍱 一入到去侍應就帶左我地去卡位，每個卡位都有掛簾，俾你可以同身邊嘅人都有私隱咁傾計，所以個感覺已經好舒服。睇個menu嘅時候掙扎左好耐，因為好多種類都想食，所以我就叫左個三色丼餐。睇落去已經好正🤩 我簡嘅三色丼包括:左- 魚生飯 中- 油甘魚飯 右- 鰻魚飯魚生當然好新鮮好好食，但尼個set 最特岀嘅係個鰻魚飯呀❤️❤️❤️❤️燒汁嘅份量岩岩好，唔會令到成個飯水浸咁，鰻魚亦燒得夠時間，魚皮就有焦香，魚身夠厚，啖啖肉🤤 下次要叫番個正常size嘅鰻魚飯食先得😍男朋友叫嘅係刺身定食定食包括有味噌湯、蒸蛋、白飯同一小碗烏冬總共有5款刺身，全部都係厚切，口感十足，而且好新鮮👍 唔好以為咁嘅份量會唔夠飽，因為刺身嘅油質都好豐富，所以就算係男士食都無問題。餐廳亦明白因為刺身嘅油膩感會食到飽飽滯滯，所以都有新鮮嘅海苔同紫蘇葉🌱做伴碟，夾住刺身黎食，就可以食到另類嘅鮮味🤤以午市嘅價錢食到尼種質素係物有所値，不過我地兩個都贊成下次應該叫一個刺身定食，再加一個正規鰻魚飯，咁就可以滿足晒兩個願望啦🎊