Plato Cafe & Bistro (吳松街)

南瓜餐湯飲落都仲有啲南瓜蓉 好真材實料🎃 前菜揀左青口 口味偏中式 但蒜香味濃👍🏻 主菜多選擇 我地揀左肉眼牛扒同豬手 牛扒肉味濃郁又juicy🤤 點埋汁食就更濃味 配菜都唔馬虎 焗薯加上沙律醬同煙肉碎 食落好夾口感豐富😋 另一個主菜豬手 一上碟好驚訝 因為份量好澎湃！帶有蜜糖甜香嘅豬皮 食落唔會太肥膩 加埋啖啖肉 非常滿足🤤🤤 仲有酸蘿蔔可以解下飽滯感🤭 薯條炸得夠香脆👍🏻 烤過嘅翠肉瓜同車厘茄都好juicy😆 作結嘅芝士蛋糕都唔錯 食完都唔會覺得好滯～🔸蒜片白酒欖酒紐西蘭青口🔸蜜糖燒豬手🔸美國安格斯肉眼牛扒(五成熟)🔸芝士蛋糕🔸冰果茶、凍蜂蜜柚子茶