慢煮屋 (已搬遷) 新店位置

觀塘對我黎講又愛又恨，成日都咁多人又塞車又遠，但同時佢實在有太多小店我想試。呢間bookmark左一陣子，終於有要去觀塘既時候可以去試。 佢身處係一座好多人去既工廈，店面好細都唔係坐得特別舒服，不過小店就係咁架啦選擇唔算多，一目了然。第一樣吸引我既就係個牛腹扒丼加20蚊可以有舊鵝肝！啲牛慢煮至7成熟左右，食落口感幾淋而且有牛香。份量都幾足，好多舊牛！而鵝肝20蚊黎講都唔算細舊，一咬落去係爆油，陣陣鵝肝香！正好快送哂碗飯。呢個三文魚骨即叫即整，熱辣辣。外脆內滑，不過個汁可以再濃味少少。呢杯奶茶就普通小小，唔係特別香濃，不過勝在唔會好甜。