牛涮鍋 (已結業)

林林種種牛涮/牛涮涮，今次係第三間牛涮喇。牛涮鍋同激安牛涮係同一集團，有別於日牛涮涮鍋，不過我兩間都試過，比較偏好牛涮鍋。所以今次呢就揀咗牛涮鍋，不過唔食激安，就試下普通嘅睇下有咩分別。我哋一行三人，佢俾咗張六人枱我哋，所以我哋做得好闊落，而且仲有兩個鍋，所以食得好舒服。今次呢我哋叫咗最平嘅牛肉套餐，等我睇吓同之前食嘅靚牛肉有咩分別，個分別都幾大。牛肉來講，好似你去佳寶見到嗰啲咁樣，不過就新鮮一啲，但係啲脂肪分布呢就好歸一，肉還肉，脂肪還脂肪。至於其他嘢食來講，係冇咩分別嘅，質素都係OK嘅，所以我都唔特別再評論啦，主要評一評牛肉嘅分別，最大嘅總結就係唔好慳啲錢，叫高級啲嘅牛肉會食得舒服一啲。