茶茶台式料理 (已結業)

疫情期間無得飛，最掛住嘅肯定係台灣美食！今日嚟到旺角搵食，呢間茶茶同隔離嗰間啊木一樣咁出色，唔知點解就無咁多人排！叫咗好耐冇食嘅鹽酥雞排滷肉飯、麻辣臭豆腐、芋香珍珠奶茶。鹽酥雞排炸得好香！外脆內軟，炸粉適中唔會KICK喉，夠哂鬆軟，入面嘅雞仍然有肉汁，令人忍唔住一啖接一啖咁食。滷肉飯好少肥肉，唔係台灣嗰種滷肉飯，我覺得瘦嘅反而仲好食，成個飯嘅配搭相當唔錯！麻辣臭豆腐夠哂臭，好啱無得飛嘅我哋過下口癮！芋香珍珠奶茶幾香，珍珠有咬口，正常台式特飲水準。