壹碗麵 (已結業)

今日要一個人食Lunch，放左工行行下，行左去和富道，本來想食勝利小廚，但最後都揀左新開o既壴碗麵。入左去坐低，叫左個熱門推介o既蝴蝶腩撈粗同巨峰梳打。侍應姐姐問我要唔要芝麻同蔥花，我話要。等左10分鐘，碗麵終於到，一望見好似咁細碗，都驚唔飽。食落碗麵D粗麵比平時食果D粗好多，質感都幾彈牙。我唔知呢間舖出名係佢地自家製沙茶醬，仲以為係辣醬。沙茶醬好惹味，點蝴蝶腩食特別好味。蝴蝶腩都唔"un"，好軟身。食食下見侍應姐姐向其他人客推介酒香溏心蛋，我又要左一隻。上枱o既時候侍應姐姐同我講將隻蛋分開兩邊，要畢返d酒落個蛋黃度。等我食埋碗麵先再食隻蛋，一將隻蛋分開兩邊，D蛋黃已經流曬出嚟。一食落口已經覺得隻蛋好有蛋香，好快已經畀我解決左。食完D濃味嘢，再飲返個巨峰梳打，非常滿足。