影片
更多
2007-09-21
6 瀏覽
有一日, 同幾位同事食lunch, 有人提議食thai's food, 我就記得有一日途經wanchai, 見到一間叫"泰軒"嘅餐廳, 所以叫大家一齊去試下, 都十分抵食, 環境亦不錯, 價錢亦ok, salad bar, 湯, 甜品, 仲有啲小食都任食....所以就決定係下個星期同學生日嘅時候, 就去試一下夜晚嘅食物同環境。當晚我地十個人食, 叫咗招牌菜"橫行四方"(麵包裡面加隻巨蟹, 又多糕, 又多計, 麵包烤得好脆, 索晒啲汁好好味), 新嘅菜色"冬陰公酸辣蟹" (啲冬陰公索晒入蟹度, 啲蟹又有冬陰公味, 又有蟹味, 個感覺好特別, 真係無得頂呀~~~因為我地個個都係蟹皇, 所以....哈哈~~~), "燒蝦"(嘩....隻蝦大到...大家一見到, 都忍唔住"嘩"咗一聲), "high-tea式嘅拼盤", "紅燒翅", "椰青翅", "串燒", "芒果軟殼蟹卷", "柚子沙律", "無骨海南雞"(啲雞好軟滑), "香酥田雞腿", "明爐烏頭魚"(估唔到啲魚原來起晒骨, 連我有啲朋友因為驚骨所以唔食魚嘅, 都可以食得, 呢下真係正!). "蘆筍炒雜菇", "咸魚炒介蘭", 仲有我地
當晚我地十個人食, 叫咗招牌菜"橫行四方"(麵包裡面加隻巨蟹, 又多糕, 又多計, 麵包烤得好脆, 索晒啲汁好好味), 新嘅菜色"冬陰公酸辣蟹" (啲冬陰公索晒入蟹度, 啲蟹又有冬陰公味, 又有蟹味, 個感覺好特別, 真係無得頂呀~~~因為我地個個都係蟹皇, 所以....哈哈~~~), "燒蝦"(嘩....隻蝦大到...大家一見到, 都忍唔住"嘩"咗一聲), "high-tea式嘅拼盤", "紅燒翅", "椰青翅", "串燒", "芒果軟殼蟹卷", "柚子沙律", "無骨海南雞"(啲雞好軟滑), "香酥田雞腿", "明爐烏頭魚"(估唔到啲魚原來起晒骨, 連我有啲朋友因為驚骨所以唔食魚嘅, 都可以食得, 呢下真係正!). "蘆筍炒雜菇", "咸魚炒介蘭", 仲有我地嘅至愛..."生蝦刺生", 食到我地個個抱住個肚, 大家都好滿足呀~~~
服務亦很好, 不停加水, 換碟, 亦會過黎詢問意見, 笑容十足! 點知傾下傾下, 到咗10:00, 經理走過黎話, 現在係happy hour, 所以飲料全部7折, 佢亦好識做, 送咗個炸香蕉雪糕同南瓜布丁比我地食, 真係好開心! 我地就一路飲野, 一路睇英超, 一路傾計去到12:00左右先肯走!
大家都覺得今日好充實, 好滿意, 完全無人想走嘅意思, 所以我地會再黎架...不過提醒大家, 記得訂枱, 因為我地上去嘅時候都已經坐咗7成喇!
張貼