影片
更多
2011-05-12
8 瀏覽
小妹第一次寫食評，之前睇人地寫得多，所以都想分享返自己既少少食後感！呢晚小妹約左男友一齊食晚飯，慶祝我地既第Ｘ月紀念而小妹事前已經ＢＯＯＫ左位，訂左之前係ORENRICE既優惠－鐵板燒特選晚餐 (二人前)，我地八點九先去到，一去到就已經留左位比我地啦！我地之前要求坐BAR位，因為想睇住師傅整野食嘛！唔講咁多，即刻講下D食物質素先。新鮮野菜沙律：無咩特別，係生菜加沙律醬加青瓜而成既前菜，我不嬲都唔鐘意食沙律，不過見佢細細杯就食左佢啦！唔係特別好食，好一般。什錦天婦羅：有兩隻大蝦，兩舊蕃薯，加茄子。大蝦好食呀，熱辣辣但又唔多油，炸得岩岩好呀，點埋佢個醬黎食，隻味係非常之似曾相識，好似係酒樓度食既某種食物，但小妹諗左成晚都諗唔起係咩野食，男友就Ｒ哂頭話無食過！但我就覺得真係好似啦，總之就好味啦！另外，蕃薯切到好薄，基本上唔係好覺食緊野咁，茄子都還可以，食落唔會覺得油，但無乜味。鐵板鮮活南非鮑魚 (2隻)：呢個正呀，親眼睇住師傅將活生生既鮑魚煮熟，師傅好熟手咁將隻鮑魚整兩整，Ｄ內臟就整哂出黎啦，然後再切片，煎左陣，加呢樣加果樣，就上碟啦。男友食完第一啖就話：「呢個好食呀」，哈，小妹都係咁話！鮑
唔講咁多，即刻講下D食物質素先。
新鮮野菜沙律：無咩特別，係生菜加沙律醬加青瓜而成既前菜，我不嬲都唔鐘意食沙律，不過見佢細細杯就食左佢啦！唔係特別好食，好一般。
什錦天婦羅：有兩隻大蝦，兩舊蕃薯，加茄子。大蝦好食呀，熱辣辣但又唔多油，炸得岩岩好呀，點埋佢個醬黎食，隻味係非常之似曾相識，好似係酒樓度食既某種食物，但小妹諗左成晚都諗唔起係咩野食，男友就Ｒ哂頭話無食過！但我就覺得真係好似啦，總之就好味啦！另外，蕃薯切到好薄，基本上唔係好覺食緊野咁，茄子都還可以，食落唔會覺得油，但無乜味。
鐵板鮮活南非鮑魚 (2隻)：呢個正呀，親眼睇住師傅將活生生既鮑魚煮熟，師傅好熟手咁將隻鮑魚整兩整，Ｄ內臟就整哂出黎啦，然後再切片，煎左陣，加呢樣加果樣，就上碟啦。男友食完第一啖就話：「呢個好食呀」，哈，小妹都係咁話！鮑魚完全唔「UN」又唔會「鞋」，真係岩岩好，一塊又一塊咁食，男友見我食唔停口，都食少Ｄ比多Ｄ我食
鐵板美國珍寶蠔 / 生蠔 (2隻)：我地嗌左鐵板蠔黎食，因為我唔食生野，WAITER又話唔可以一生一熟，男友遷就我而嗌鐵板蠔，不過其實我都唔多鐘意食蠔，我覺得好恐怖，又腥不過男友咁為我，無理由唔試下咖！師傅加左煙肉同蒜去炒，真係好香WOR！最後我都踏出第一步食左第一啖，可能因為師傅加左生粉落去，又加左咁多配料，所以真係唔腥！最後我都食左成隻呀！我真係好勇敢呀，哈哈
鐵板和牛薄燒 (5片)：佢話有五片，不過最後得四片，師傅將牛捲住蔥同蒜黎煎，再將和牛卷一分為二，就上碟。食落無咩特別，所以唔多講啦。
鐵板雞肉炒麵：食度黎呢度我已經飽飽地，唔係好食得落。師傅炒左成碟出黎，我食左五，六啖就食唔落啦，不過都幾好食，Ｄ麵好彈，但我覺得豉油味有少少蓋過左雞肉既味道，但Ｄ雞肉唔鞋，不過好似無咩味咁。
鐵板炒野菜：呢個同雞肉炒麵一齊黎，不過我嫌油左Ｄ，同埋小妹食食肉獸黎，食左幾啖就無食啦。
活蜆面豉湯：呢個我無飲度，兩碗都比左男友飲，我見都幾多料，有豆腐，蜆肉，都唔係得一舊咋WOR！男友話幾好飲，兩碗飲到一滴不漏呀！
甜品：甜品係雪糕，有四隻味，無記錯係豆腐、綠茶、紅豆同芝麻。男友食綠茶，我食紅豆，普通雪糕，無咩特別，不過有甜品食都算係一個完美既結局。
整體黎講都唔錯，特別係服務態度真係超哂班，見我地用手拎起Ｄ蠔殼，即刻送上熱毛巾比我地抹手，見我地杯茶飲左少少即刻斟返滿，嗌果汁酒黎飲佢拎哂杯黎問我地要一個杯定兩個杯，服務真係好好，好貼心呀！另外雖然我地坐BAR位，但完全唔覺有好大既油煙，可能佢既抽風系統勁，又或者係我地坐個位吹唔正啦！但我覺得食物好似唔係好夠味，不過男友話鐵板燒係咁咖WOR！哈哈，唔緊要啦，因為今餐真係食得好開心呀！
張貼