築地日本料理 (金百利廣場)

營業中

休息中

香港人成日都話日本係鄉下，今日就同朋友去尋找家鄉嘅味道。我哋嗌左一個黑蒜油豬軟骨拉麵，兩舊豬軟骨大大嚿，面嘅份量都算多，黑蒜油嘅味道好突出。另外有嗌牛肉壽喜燒，下面有個火一路食一路煮，個壽喜燒湯底好夾啲配料，入面材料豐富除咗有牛肉之外亦都有娃娃菜、粉絲、雞蛋、蘿蔔等等，一個鍋夠食。另外仲有炸物什錦，樣樣都想食啲就啱啦，有薯條、豬軟骨同埋紫薯餅。另外有叫一啲壽司，有鰻魚玉子手卷、灸燒三文魚腩、灸燒芝士三文魚、三文魚沙律腐皮同埋海膽帶子卷，每樣細細舊可以試多幾款。最後仲食咗一個甜品拼盤，入面有柚子蛋糕、Tiramisu、雪糕、牛奶凍。