影片
更多
2024-04-25
104 瀏覽
今日朋友係Ms. Rabbit Studio做完運動，叫我去佢做運動既場地度陪佢一齊食晏。橫掂去到Ms. Rabbit Studio，參觀吓佢個場地先，一入門口係用餐區/休息區。再入面係做瑜伽等等運動嘅地方。場所有文青風嘅感覺。我揀咗set c,包含雜莓果仁法包，香焗意式香草三文魚，芒果奶昔，沙律菜，車厘茄，西蘭花，半隻烚蛋，青瓜片，奇亞籽粟米片杯。咁多嘢食先至300卡路里咋！佢個三文魚好Juicy，一啲都唔嚡。烚蛋中間嘅蛋黃還是軟腍腍的。沙律菜同青瓜片都爽脆。車厘茄皮薄多汁。芒果奶昔有驚喜，入邊有啲好似寒天同埋仙草嘅配料，增加口感層次同時亦都增加飽肚感。職員另外仲俾咗一杯靜態減肥水俾我飲，入邊有蘆薈汁等等的材料，好似話可以幫助燃燒脂肪。咁我梗係唔執輸，成杯飲晒啦！另外見職員自己試緊菜，有啲藍莓，蜜柑，豆腐同沙律菜。好似都好好食咁。希望遲啲Menu會有呢個啦。下次有機會試吓join吓佢哋啲運動堂先。
今日朋友係Ms. Rabbit Studio做完運動，叫我去佢做運動既場地度陪佢一齊食晏。
橫掂去到Ms. Rabbit Studio，參觀吓佢個場地先，一入門口係用餐區/休息區。再入面係做瑜伽等等運動嘅地方。場所有文青風嘅感覺。
我揀咗set c,包含雜莓果仁法包，香焗意式香草三文魚，芒果奶昔，沙律菜，車厘茄，西蘭花，半隻烚蛋，青瓜片，奇亞籽粟米片杯。咁多嘢食先至300卡路里咋！
佢個三文魚好Juicy，一啲都唔嚡。烚蛋中間嘅蛋黃還是軟腍腍的。沙律菜同青瓜片都爽脆。車厘茄皮薄多汁。芒果奶昔有驚喜，入邊有啲好似寒天同埋仙草嘅配料，增加口感層次同時亦都增加飽肚感。
職員另外仲俾咗一杯靜態減肥水俾我飲，入邊有蘆薈汁等等的材料，好似話可以幫助燃燒脂肪。咁我梗係唔執輸，成杯飲晒啦！
另外見職員自己試緊菜，有啲藍莓，蜜柑，豆腐同沙律菜。好似都好好食咁。希望遲啲Menu會有呢個啦。
下次有機會試吓join吓佢哋啲運動堂先。
張貼
