丼丼屋 (德福廣場) (已結業)

今個星期一中午同D同事去丼丼屋食飯竟然唔使排隊，平時晏就至少都要等15-20分鐘，今次真係好好彩同事叫左一份十勝帶廣名物豚丼定食（並$88）肉都有6塊同埋都幾厚唔怕薄切切，配埋燒汁都幾好送飯，肉質就普通唔算好林而我就叫左一份唐揚雞丼配溫泉玉子再加配左$25 輕食定食，炸雞大粒又多汁同埋有成6粒，食完一粒又一粒，飯食唔晒唔緊要炸雞配埋溫泉蛋真係一流！每次食完都返尋味😋玉子蛋就普普通通有點甜味不過唔係好夠熱. 沙律都算新鮮有埋麵包粒食落都幾開胃！