麗香園冰廳 (已結業)

因為要去尖沙咀睇戲，所以就專登一早起身來呢度食早餐喇 (我地之前係 openrice 做左 research 先，所以就識得來呢間麗香園)。 入到去，覺得間舖面環境都幾老土，所以已經覺得 d 野食應該 ok......hehe~~ 火腿奄列：味道唔錯，d 蛋都算滑，入面的火腿都幾多....yummy yummy 炸菜肉絲米：個湯底夠甜，最好的就係肉絲，因為d 肉絲係炒過的，而且醃得入味，好香，配以較清的米粉，非常惹味...... 魚柳 + 煎蛋：呢個就冇咩特別，不過勝在塊魚柳夠熱 沙嗲牛麵：呢個湯底與炸菜肉絲米係唔同的，呢個有一種好似豬肉干的香味，好好飲.... 食完出來，突然見到有 d 好老土的 "cake"，我地就買左「雪山合桃蛋糕」來試，不過小妹就覺得佢太甜，又硬硬地......呢個就認真麻麻喇......