Fiat Caffé (已結業)

預早經openrice訂檯為家人慶祝生日,  我地有6個人加1個小朋友, 服務員都好細心咁安排小朋友既坐位, 亦會主動加水比我地, 態度亦好好。我地叫左2個OPENRICE特惠2人餐, 再加1個PIZZA同手搓粉, 每樣食物都好滿意, 食得飽飽, 鵝肝醬好美味, 我連青瓜片都搽少少鵝肝醬食 ; 黑松露手搓粉唔錯, 好香, 第一次食依種意粉 ;  海鮮併盤有半隻龍蝦, 少少熟過龍, 不過都幾多膏, 尚算滿意 ; 牛柳牛味突出, 中間仲夾左隻蠔, 雖然D蠔味入唔到落牛柳度, 但咁仲好, 因為我地當中有人唔食蠔 ; 唯獨係沙律如果加少少醋就會更好。最後服務員提我點甜品, 為家人寫上生日祝福, 我就去蛋糕櫃揀左件芝士餅, 比家人一個驚喜, 真係唔該你地。