Coffee Jobs (已結業)

今日約了好朋友飯聚傾計, 她在旺角工作, 所以就係附近搵食, 行經廣華醫院附近既Coffee Jobs 見到佢門面都幾靚吓, 好有文青feel，食物種類多, 相片食物又靚, 一於就入去試吓。睇睇menu先, 見到隔離檯食”德國咸豬手”好大隻, 賣相吸睛，所以都叫咗個來試吓， 再叫埋“南瓜蘆筍大蝦意大利飯”一齊share食。“德國咸豬手配薯角”真係大得有點誇張，二位女士都食唔晒。外皮燒到脆卜卜, 入面熱辣辣有咸香，肉質嫩滑，非常好味。加埋薯角也炸得香脆，係一個很好的配搭。另外“南瓜蘆筍大蝦意大利飯”, 二隻大蝦新鮮彈牙，而且好入味，南瓜蓉已經溶入飯裏面，意大利飯煮到煙煙韌韌，有咬口，濕潤度合適，加埋蘆筍粒和蕃茄仔就好健康啦!最後，我叫了杯Ice latte，咖啡味香濃，飲埋就覺得整個晚餐很滿足了。餐廳雖然唔大，但樓底高，感覺舒舒服服，下次有機會都有再來。