Grand Central Bar & Grill (已結業)

生日時朋友原來訂左GC食晚餐，近排愛上左食著條漢堡包，第一次試尼間，雖然價格有D貴，但味道同環境都一流，推介！首先叫左個Crab Cake，雖然味道都OK，但就冇咩蟹味，冇想像中咁好食，有小小失望。然後叫左Lobster Club Sandwich同French Fries，三文治好好食，有小小烘底食落好脆，材料好新鮮好鮮甜！D薯條都好好食，唔會太咸！叫左個Meshed Potato，好滑而且味道岩岩好，雖然望落好似唔多，但有總食極都仲有既感覺，讚！我同朋友各叫左一杯飲品，Native New Yorker同Passion Fruit & Strawberry Mocktail，朋友話Native New Yorker雖然有酒味但同樣都帶出到檸檬同蘋果既清香！我就試左Passion Fruit & Strawberry Moctail，有果肉同埋唔會太甜，好清新同natural！本來已經食得好飽，原來朋友準備左個legendary hot chocolate cake同我慶祝生日！GC既心太軟真係好好食，雖然已經好飽，但實在抗拒唔到，雪糕同心太軟冷熱交融，食既時候真係覺得好幸福好好食！