Uptop Bistro and Bar (已結業)

呢間餐廳喺尖沙咀都算係啲隱世小店，平時經過唔係好顯眼，因為佢係一間小型酒店入面。我地order dinner set,首先食個頭盤呢佢係一個幾清新嘅小食，係一隻大蝦跟住陪左一啲野米通咁樣嘅食落去係呢甜甜酸酸，係幾開胃嘅，仲帶有少少香茅味。而去到餐湯呢佢就係一個帶有椰子味布甸嘅南瓜湯,咁個布甸就預先放喺碟中，嘅跟住之後呢侍應就會去到你面前呢到倒啲南瓜湯上去有個儀式感。佢呢個組合係幾特別，但係食落又唔會話好驚喜，算係一個新嘗試。咁主菜一個就帶咗韓式雞卷，另一個就給叫咗牛扒，牛扒食落去佢嗰個調味就鹹咗少少，容勿切開，唔會食到好多筋位，韓式雞卷入邊其實係啲雞肉入邊包左啲泡菜咁樣，食落幾juicy, 但係佢啲配菜薯條調味又係重口味。甜品就點咗兩個雪糕，一個芒果雪糕，一個榴槤雪糕，榴槤雪糕非常出色，印象深刻,因為好似覺得自己真係食緊件榴槤,食落嗰啲味真係落足料佢話係啲D24,鍾意食榴槤嘅人一定要叫。其實餐廳本身有啲好嘅露天夜景嘅位置但係當日落雨，就冇機會去到個天台度用餐啦，環境會更開揚